Ойролцоо утгатай үгс нь хоорондоо тэс өөр дуудлагатай үгс байдаг боловч бүгд нэг л утга илэрхийлдэг. Хэдийгээр нэг утга илэрхийлнэ гэх боловч яг бүрэн тохирдоггүй тул тэдгээр үгсийг хэл шинжлэлд ойролцоо утгатай үгс гэж нэрлэдэг.
Aнгли хэлний ойроолцоо утгатай үгсийг хэрхэн зөв хэрэглэж сурахыг хэсэг үйл үгс дээр авч үзье, тухайлбал: look, see, watch буюу listen, hear.
Эхний гурван үгсийг монголоор "харах", "үзэх" гэж орчуулдаг. Бид монголоор ярихдаа тус хоёр үйл үгийг хооронд нь салгаж хэрэглэдэг билээ. Түүний адил See, look, watch нь тус тусдаа хэрэглэгдэх өөрийн гэсэн онцлогтой. Aливаа юмыг яаж харж буйгаас шалтгаалан англи хэлэнд эдгээр гурван үгсийг өөр өөр нөхцөлд хэрэглэдэг.

1. See

See -Таны нүдэнд харагдсан бүхнийг энэ үгээр илэрхийлж болно.
2. Look
Look, see хоёр нь ямар ялгаатай вэ гэхэд See нь аливаа юмыг онцолж хараaгүй нөхцөлд хэрэглэгддэг. look нь анхаарлаа зориуд хандуулж харсан нөхцөлд хэрэглэгдэнэ.
3. Watch
Ямар нэгэн зүйлийг тодорхой хугацаагаар анхааран харж байгааг илэрхийлэхэд тус үгийг хэрэглэдэг.

When I went into the kitchen, I could see our cat. Би гал тогоонд орж ирээд муураа харлаа.
Juju couldn't see me, because she was looking at her empty food bowl. When I called her, she looked at me. жужу хоолныхоо хоосон таваг руу харж байсан тул намайг харахгүй байлаа. Харин түүнийг дуудахад тэр над руу харав.
Juju was watching me when I walked to the corner of the kitchen to get her some food. She was hungry.
Түүнд хоол өгөх гээд гал тогооны буланд очиход жужу над руу харж байлаа. Тэр өлсгөлөн байв.

Нүдээ нээгээд хархад танд юу үзэгдэж байна тэр бүгдийг see үйл үгээр илэрхийлж болдог бол look нь анхаарлаа хандуулж онцолж харсан нөхцөлд хэрэглэгдэнэ. Aнхаарлаа хандуулан хэсэг хугацаагаар харахыг watch үйл үгээр илэрхийлнэ.
I can't see you. Би чамайг харахгүй байна.
Look at me! Над руу хараач!
Did you watch TV all day? Чи өдөржингөө зурагт үзсэн үү?

 Aнгли хэлний listen, hear "сонсох" үйл үгс нь мөн хоёр өөр нөхцөлд хэрэглэгддэг.

Honey, did you hear what she said?
No, sorry, I wasn't listening. What did she say?
Хонгор минь, түүний юу хэлснийг сонсов уу?
Үгүй, сонсоогүй. Тэр юу гэж хэлсэн бэ?
Be quiet! I'm listening to the weather report.
Чимээгүй бай! Би цаг агаарын мэдээ сонсч байна.
Listen to me!
Намайг сонс!
Last night I heard someone laughing at my door.
Хэн нэгэн хүн манай хаалган дээр инээхийг урд шөнө би сонссон.
Дээрхи жишээн дээр listen нь анхаарлаа хандуулан, чих тавин сонсоход хэрэглэгддэг бол hear нь чихэнд аяндаа сонсогдоод байгаа зүйлс дээр хэрэглэгддэг байна.
Ойролцоо утгатай үгсийг та хэрэглэж сурвал үг яриа тань илүү сонирхолтой болохоос гадна англиар зөв ярьж сурахад тань тус нэмэр болно.